ABŞ məktəbində atışmanı 6-cı sinif şagirdinin törətdiyi məlum oldu

ABŞ-ın hüquq-mühafizə orqanlarının əməkdaşları Aydaho ştatının Riqbi şəhərində yerləşən məktəbdəki atışma yerində işləməyə davam edirlər.

Bu barədə "Report” xarici mətbuata istinadən xəbər verir.

Hüquq-mühafizə orqanlarının əməkdaşları atəşin məktəb binasına silah keçirməyə nail olmuş altıncı sinif şagirdi tərəfindən açıldığını müəyyənləşdiriblər.

Ceferson dairəsinin şerifi bildirib ki, məktəbli qız çantadan tapançanı çıxarıb və təhsil müəssisəsində, həmçinin onun hüdudları xaricində atəş açmağa başlayıb.

Qızı müəllimlərdən biri saxlamağa müvəffəq olub, o, qəfil silahı şagirdin əlindən alıb.