Malayziya HHQ-nin hərbçisi yoldaşlarına atəş açıb, 4 nəfər ölüb

Malayziyanın Saravak əyalətində Krallığın Hərbi Hava Qüvvələrinə məxsus şəxsi heyət üzvünün yoldaşlarına atəş açması nəticəsində 4 nəfər ölüb.

"Report” "TRTHaber”ə istinadən xəbər verir ki, bu barədə Saravak əyaləti polis idarəsinn rəisi Aidi İsmail bildirib.

Onun sözlərinə görə, hadisə avqustun 13-də yerli vaxtla səhər saatlarında əyalətin Samarahan şəhərində baş verib.

Aidi bildirib ki, atəş açan heyət üzvü sonradan həmin silahla intihar edib.