“Müharibə başlasa, Belarus kənarda qalmayacaq” - Lukaşenko

"Qərb çox yaxşı başa düşür ki, Donbassda və Rusiya ilə sərhəddə müharibə başlasa, Belarus kənarda qalmayacaq”.

"Qafqazinfo” Rusiya mediasına istinadən xəbər verir ki, bunu Belarus Prezidenti Aleksandr Lukaşenko deyib. 

"Belarusun kimin tərəfində olacağı da bəllidir. Ona görə də şimal, Belarus-Ukrayna sərhədini möhkəmləndirməyə başladılar. Bunun üçün heç bir fakt olmasa da, bu gün heç bir səbəb olmasa da...

Əslində tamamilə sakitlik hökm sürür. Buna baxmayaraq, sərhədə hərbi kontinget yığılır və bunu açıq şəkildə deyirlər. İndiki mərhələdə bu, təxminən 8 min nəfərlikdir.

Rusiyanın Ukraynaya planlaşdırdığı hücumla bağlı məndə belə bir məlumat yoxdur. Amma belə planlar olsaydı, Belarus hərbçiləri, o cümlədən mən də bundan xəbərdar olardım. Bizə məlumat verilərdi. Amma bir daha deyirəm: faktlar masadadır”, - deyə Lukaşenko qeyd edib.