Rejissorun sözləri Putini əsəbiləşdirdi - Mübahisə düşdü+Video

Rusiya prezidenti Vladimir Putin İnsan Hüquqları Şurasının üzvləri ilə onlayn konfransda rejissor Aleksandr Sokurovla Rusiya haqqında söylədiyi fikirlərə görə mübahisə edib.

"Qafqazinfo” xəbər verir ki, kinorejissor çıxışı zamanı ölkənin siyasi həyatının bütün aspektlərinə toxunub. O qeyd edib ki, Rusiya əslində bir neçə ölkəni, məsələn, Suriya və Belarusu ehtiva edir. Sokurov Rusiyanın tərkibində yaşamaq istəməyən respublikalara sərbəst çıxış verməyi təklif edib. O, güc strukturlarının "siyasiləşməsini” xatırladıb, ölkədə siyasi işlərin dayandırılmasının vacibliyindən danışıb.

"Bu çıxışınız, xalqa, ölkəyə hörmətsizlikdir. Ordumuza gəldikdə isə, ona görə siz narahat olmayın, hər şey yaxşıdır. Ordumuz inkişaf edir”, - deyə Putin rejissora iradını bildirib.