Rusiyada müstəqil saytlar bağlanır

Rusiyanın Tomsk vilayətində yaradılan ТВ-2 nəşri öz fəaliyyətini dayandıra bilər. Bu barədə Tomsk ТВ-2 xəbər agentliyinin baş redaktoru Viktor Muçnik  bu nə Facebook hesabında yazıb. 

Onun sözlərinə görə, artıq martın 4- keçən gecə Rusiya hakimiyyət dairələri sayta girişi məhdudlaşdırıb. 

"Etiraf edim ki, hələ dünən həmkarlarımı yığıb işi dayandırmaq istədiyim barədə məlumat vermək qərarına gəldim . Çünki öz bildiyimiz kimi işləmək artıq mümkün deyil", - o  yazıb. 

Telekanal  ТВ-2 1990-cı ilin əvvəlində yaradılıb.  2015-ci ildə Rusiya hakimiyyəti onun lisenziyasını uzatmadığı üçün o vaxtdan bəri telekanal online formatda çalışırdı.  

Rusiya  hakimiyyət dairələri həmçinin "Meduza" saytı, Azadlıq radiosu və BBC Ümumdünya xidmətinin saytlarına  girişi də məhdudlaşdırıb.  Bu işlə ölkə ərazisində saytların fəaliyyətinə cavabdeh olan Roskomnadzor məşğul olur.  

Onlar tam bloklanmasa da , domenin müəyyən  materialları və səhifələrinə giriş məhdudlaşdırılıb. 

Əksər hallarda qadağalar Baş prokurorluğun sorğusu əsasında "İnformasiya, informasiya texnologiyaları və informasiyanın müdafiəsi" qanununun 15,3 bəndinə əsasən həyata keçirilir. 

Dünən axşam isə "Dojd" telekanalının Moskva ofisinə biri polis  formasında, digəri isə mülki geyimdə olan iki polis əməkdaşı gələrək jurnalistləri ekstremist xarakterli materiallar yaymaqda suçlayıb. 

Onlar telekanalın YouTube kanalında olan materiallara öz iradlarını bildirərək, şirkətdən dolayısı ilə bütün kanalı pozmağı tələb ediblər. 

Odur ki, martın 3-də telekanalın baş direktoru Natalya Sindeyeva  canlı efirdə telekanalın fəaliyyətinin  müvəqqəti dayandırıldığını elan edib. 

Telekanalın saytı martın 1-dən Roskomnadzor tərəfindən Baş prokurorluğun istəyi ilə bloklanmışdı. Səbəb kimi isə Ukrayna müharibəsi barədə yanlış məlumatlar yaymaları göstərilmişdi. Kollektivin təhlükəsizliyinə təhlükə yarandığı üçün baş redaktor Tixon Dzyadko və bir qism jurnalistlər Rusiyanı tərk etməli olmuşdular. 

N.Təbrizli 
 



www.anews.az