Ukraynada humanitar dəhlizlərlə təxliyə olunanların sayı açıqlanıb

Ukraynada açılan humanitar dəhlizlər vasitəsilə  7144 nəfər təxliyə olunub, bunu ölkə Prezidenti Volodımır Zelenski xalqa videomüraciətində bildirib.

"Bu gün Rusiya ordusu humanitar dəhlizlərin çoxunun fəaliyyətini pozub. Buna baxmayaraq, Enerqodardan, Buçadan, Qostomeldən, Kozaroviçidən 7144 nəfəri xilas etmək mümkün olub. Deməli, sabah da, o biri gün də mühasirədə qalan ukraynalıları xilas etmək üçün əlimizdə artıq 7144 səbəb var. Bundan sonra da Ukrayna şəhərlərinə humanitar yükləri çatdırmaq üçün əlimizdən gələni edəcəyik. Ürək ağrısı ilə bildirməliyəm ki, Mariupol hələ də düşmənin mühasirəsindədir. Rusiya ordusu şəhərə bizim yardımlarımızı buraxmayıb, bizim insanlarımıza, mariupollara əziyyət verirlər”, - deyə Prezident bildirib.

Ukrayna lideri sabah da adıçəkilən şəhərə Mariupola ərzaq və dava-dərman çatdırmağa çalışacaqlarını diqqətə çatdırıb.

 

Fevralın 24-dən Rusiyanın Ukraynaya hərbi hücumu davam edir.