Ukrayna Rusiyanın icazəsi olmadan bunu edə bilməyəcək- Medinskidən AÇIQLAMA

 

"Danışıqlar konstruktiv keçdi. Biz Ukraynadan onların müqaviləyə daxil edilməsi ilə bağlı aydın şəkildə formalaşmış mövqedə təkliflər aldıq. Bu təkliflərə yaxın vaxtlarda baxılacaq, prezidentə məlumat verildikdən sonra müvafiq cavabımız veriləcək", - Medinski bildirib. 

 

Rusiya prezidentinin köməkçisi onu da bildirib ki, Kiyev hərbi ittifaqlara qoşulmaqdan imtina edəcəyinə söz verir.

 

"Ukrayna hərbi ittifaqlara qoşulmaqdan, xarici hərbi bazaları, kontingentləri yerləşdirməkdən, qarant dövlətlərin, o cümlədən Rusiya Federasiyasının razılığı olmadan Ukrayna ərazisində hərbi təlimlər keçirməkdən imtina edir", - o vurğulayıb. 

 

Rusiyanın Ukraynaya hərbi hücumu fevralın 24-dən davam edir.