Rusiya Kramatorsk hücumunda iştirak etmədiyini bildirib - FOTOLAR

Rusiya Müdafiə Nazirliyi Rusiyanın Kramatorsk şəhərindəki dəmiryolu vağzalına raket hücumu etməyib. Bu barədə Rusiya Müdafiə Nazirliyi məlumat yayıb. 

"Rusiyanın aprelin 8-də Kramatorsk şəhərindəki dəmiryol vağzalına guya "raket hücumu” təşkil etməsi ilə bağlı bütün bəyanatlar təxribatdır və həqiqətə uyğun deyil. Rusiya silahlı qüvvələrinin aprelin 8-də Kramatorsk şəhərini atəşə tutmayıb və belə hücum heç planlaşdırılmayıb”, - nazirlik açıqlamasında  bildirib.

Rusiya Müdafiə Nazirliyi həmçinin vurğulayıb ki, "qırıqları Kramatorsk dəmir yolu stansiyası yaxınlığında aşkarlanan və şahidlər tərəfindən videosu yayılan "Toçka-U” raketlərindən yalnız Ukrayna silahlı qüvvələri istifadə edir".

Bununla belə, "Toçka-U" raketinin Rusiya tərəfindən istifadə ediləməsinə dair sübutlar var. Hələ martın 6-da Conflict Intelligence  istitəşkilatı bildirmişdi ki,  Rusiya "Toçka-U" raketlərini daha müasir sayılan "İskander" raketləri ilə əvəzləsə də bu ölkənin  ordusunun silah arsenalında "Toçka-U" raketləri hələ də qalmaqdadır. 

Conflict Intelligence  mütəxəssisləri bu raketləri fevralın 24-dən sonra Rusiya qoşunlarının yerləşdiyi Belarus ərazisində, raketin gövdəsinin Mariupolda və Çerniqov vilayətində fotoşəkilləri çəkildikdən sonra müşahidə ediblər.






N.Təbrizli

www.anews.az