İranda Xameneini istefaya çağıran qadın siyasi fəal həbs edildi

İranlı siyasi fəal və "Tehran Bus" şirkətinin Həmkarlar İttifaqının üzvü Nərgiz Mənsuri həbs edilib.


Yerli mətbuat onun quru yolu ilə qeyri-qanuni olaraq ölkəni tərk etmək istəyərkən tutulduğunu iddia edib. 


O, təxminən 3 il öncə İranın ali rəhbəri Əli Xameneinin istefaya çağıran bəyanatı imzalayan 14 fəaldan biridir.

Bu bəyanatın yayılmasından sonra Nərgiz Mənsuri 6 il həbsə məhkum edilib. 

Həbsxanadan məzuniyyətə buraxılan Nərgiz Mənsuri yenidən İranın məhkəmə orqanları tərəfindən "cinayətkar addımlar atmaq" və "milli təhlükəsizlik əleyhinə" fəaliyyətlərini davam etdirməkdə ittiham edilərək bir müddət əvvəl cəzasının qalan hissəsini çəkmək üçün yenidən zindana çağırılmışdı.

Gülnar

www.anews.az