Böyük Britaniyada işçilər 4 gün işləyəcək

 

70-ə qədər  Böyük Britaniya şirkətində 3300-dən çox işçi yeni iş modeli ilə işləməyə başlayıb. 

Mütəxəssislər hesab edir ki, bu, iş rejiminin dəyişidirilməsi ilə bağlı ən böyük sınaqdır. 

 

Sınaq mərhələsi 100:80:100 modelinə əsaslanır, yəni 100% məhsuldarlığı qorumaq öhdəliyi müqabilində işə ayrılan 80%  zaman üçün 100% ödəniş olunacaq.

2020-ci ildən etibarən bir sıra ölkələrdə həftədə 4 günlük iş rejiminə keçməklə bağlı müzakirələr aparılmağa başlanıb. Artıq bəzi ölkələr buna keçid üçün hazırlığa başlayıb.

 

Birləşmiş Ərəb Əmirlikləri (BƏƏ) inqilabi qərar qəbul edərək 2022-ci il yanvarın 1-dən 4,5 günlük iş rejiminə keçib. Niderlandda da bəzi müəssisələr artıq 29 saatlıq iş həftəsinə keçib.

Rusiya, Türkiyə və Gürcüstanda da 4 günlük iş rejiminə keçidlə bağlı məsələlər əsas müzakirə mövzusudur.