Lavrov Serbiya səfərini ləğv etməyə məcbur oldu
06.06.2022 12:34
Lavrov Serbiya səfərini ləğv etməyə məcbur oldu. Bu barədə İnterfaks xəbər agentliyi məlumat verir.
Serbiya mediası Rusiya xarici işlər nazirinin Belqrad səfərinin üç Avropa ölkəsinin onun təyyarəsi üçün hava məkanını bağlamasından sonra ləğv edildiyini sğylənib.
Rusiyanın xarici işlər naziri Sergey Lavrovun Serbiya səfəri Balkan ölkəsi ətrafındakı ölkələrin hava məkanını onun təyyarəsi üçün bağladıqdan sonra ləğv edilib.
Serbiyanın "Vecernje Novosti” qəzetinin məlumatına görə, Şimali Makedoniya, Bolqarıstan və Monteneqro Lavrovun təyyarəsinə öz hava məkanından istifadə etməyə icazə verməkdən imtina edib.
"Bizim diplomatiyamız teleportasiyaya hələ yiyələnməyib”, - Rusiya xəbər agentliyinə deyib.
Məsələyə Rusiya Xarici İşlər Nazirliyindən şərh verilməyib.
Lavrov bazar ertəsi Serbiyanın paytaxtı Belqrada gəlməli idi.
Moskvanın baş diplomatı Rusiyanın Ukraynadakı müharibəsinə görə Qərb tərəfindən sanksiyaya məruz qalıb.
Avropa Birliyi də işğala görə öz hava məkanını Rusiya təyyarələri üçün bağlayıb.
Rusiya ilə sıx mədəni əlaqələri olan Serbiya Rusiyanın Ukraynaya müdaxiləsi ilə bağlı tərəf tutmaq üçün təzyiqlərə mane olub və Qərbin Moskvaya qarşı sanksiyalarına qoşulmayıb.
Rusiya prezidenti Vladimir Putin və onun serbiyalı həmkarı Aleksandr Vuçiç keçən ay Rusiyanın Serbiyaya təbii qaz tədarükünü davam etdirməsi barədə razılığa gəliblər, digər ölkələr isə rus qazı üçün rublla ödəməkdən imtina etdikləri üçün əlaqə kəsilib.
Rafiq Şahbazov
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
