Türkiyədə qəza - 16 ölü - VİDEO
20.08.2022 22:39
Türkiyənin Mardin vilayətinin Derik rayonunda ağır yol qəzası baş verib. Bu barədə Türkiyə KİV yazıb.
Əyləci partlayan qoşqulu yük maşını avtomobillərə çırpılıb və daha sonra yol kənarında olan insanların üzərindən keçib.
Bölgəyə çox sayda təcili tibbi yardım briqadası cəlb olunub.
Yol qəzasında ölənlərin sayı 16 nəfərə çatıb. Bunu Türkiyənin səhiyyə naziri Fahrettin Koca tviter səhifəsində bildirib.
Onun sözlərinə görə, xəsarət alan 29 nəfərdən 8-nin vəziyyəti ağırdır.
"Qəzada həyatını itirənlərə Allahdan rəhmət, yaxınlarına başsağlığı diləyirəm. Yaralıların tezliklə sağalmasını arzulayıram. Xəsarət alnların müalicəsi üçün bütün vasitələr səfərbər edilib. Arzumuz Qaziantep və Mardində baş verən yol qəzalarına görə yeni ağrılar yaşamamaqdır", - o deyib.
Bu gün Türkiyənin Qaziantep şəhərinin Nizip rayonunda da avtomobil dərəyə aşıb. Qəza yerinə xilasedicilər, təcili yardım, polis əməkdaşları cəlb ediliblər. Yolda hərəkət dayandırılıb. Həmin vaxt uzaqdan gələn sərnişin avtobusu yolda dayanan təcili yardım, polis, xilasedici və "İhlas" Xəbər Agentliyinin canlı yayın maşınına çırpılıb. Hadisə nəticəsində 16 nəfər ölüb, 21 nəfər yaralanıb. Ölənlərdən 3-ü yanğınsöndürən, 2-si səhiyyə işçisi, 2-si jurnalistdir. Yaralılar xəstəxanalara çatdırılıb.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
