Rusiyada azərbaycanlılar üçün yeni bazar açıldı

Rusiyada azərbaycanlıların alver etmələri üçün yeni bazar istifadəyə verilib. ANS PRESS-in məlumatına görə, bu barədə Rusiyada yaşayan iş adamı məlumat verib. O qeyd edib ki, Domodedova şəhərində “Domodedovski” adlanan bazar ötən gün fəaliyyətə başlayıb. Bazarda azərbaycanlıların ticarətlə məşğul olmaları üçün hər bir şərait yaradılıb.Bazarda yerləşən obyektlərin 90%-i azərbaycanlıların istifadəsinə verilib.Qeyd edək ki, Moskvanın Qərbi Brulyevo rayonunda yerləşən “Pokrov” meyvə-tərəvəz bazasından çıxarılan azərbaycanlıların əksəriyyəti bu bazarda işləməyə başlayıb.ANN.Az