Zəlzələ dünyanın ən böyük akvariumunu bu hala saldı

Kahramanmaraşda baş verən zəlzələlərdən təsirlənən dünyanın "Ən böyük təbii akvariumu" kimi tanınan Şanlıurfadakı tarixi Balıklıgölün suyunun rəngi dəyişib. 

Balıklıgöl Ətraf Mühitin Mühafizəsi Vəqfi Direktoru Siracettin İlhan tarixi bir fəlakətlə üzləşdiklərini bildirib. 

O, Balıklıgöldə nəzarət və təftişləri davam etdirdiklərini deyib: "Zəlzələlər səbəbiylə yeraltı suların çox aktiv olması səbəbindən su palçıqlıdır. Balıqlarımız sazan növü olduğu üçün bu cür vəziyyətlərə daha dözümlüdür. Bizim balıqların səhhətində heç bir problem yoxdur. Nəzarətlərimiz və yoxlamalarımız davam edir.

 

Təbii fəlakətdir. İnşallah əvvəlki vəziyyətinə qayıdacağı günləri görəcəyik. İlk dəfədir ki, belə rəng görürük".