"Habertürk"ün baş redaktoru istefa verdi

Türkiyənin məşhur jurnalisti Fatih Altaylı “Habertürk” qəzetinin baş redaktoru vəzifəsindən istefaya gedibAPA-nın xəbərinə görə, F. Altaylı bundan sonra qəzetdə sadə köşə yazarı kimi fəaliyyət göstərəcəyini açıqlayıb.O, qərarını Türkiyədə söz azadlığı və plüralizmin məhdudlaşdırılması ilə izah edib:“Çox üzülərək müşahidə edirəm ki, Türkiyədə artıq “militan jurnalistika” dövrü başlayıb. Bu, mənim azad və sərsəri ruhuma heç uyğun deyil. Nə gəncliyimdə, nə də yaşlılığımda sabit bir fikrin əsiri olmadım, bundan sonra da olmaq niyyətim yoxdur”.Qeyd edək ki F. Altaylı “Habertürk” qəzeti təsis edildikdən bəri – 5 ildir bu qəzetə rəhbərlik edirdi. O, Türkiyədə ötən il dekabrın 17-də başlayan korrupsiya qalmaqalından sonra mövcud hökuməti sərt tənqid edən yazılar yazır.ANN.Az