Dünyanın ən təhlükəli 10 şəhəri - SİYAHI

Dünyanın ən təhlükəli şəhərlərinin adları açıqlanıb. İsveçrənin sığorta şirkətlərindən birinin apardığı araşdırmalar nəticəsində hazırladığı siyahıda 10 şəhər yer alıb. ANS PRESS-in məlumatına görə, siyahıya Yaponiyanın paytaxtı Tokio başçılıq edir. Bu şəhərdə baş verən zəlzələ, sunami və başqınlar onu dünyanın ən təhlükəli şəhərinə çevirib. 2-ci pillədə Filippinin paytaxtı Manila qərarlaşıb. Burada da qasırğa və zəlzələlər şəhəri təhlükəli edir. 3-cü ən təhlükəli şəhər Çinin Mirvari çayı ətrafındakı yaşayış məntəqəsidir. Burada 2005-ci ildə sel nəticəsində 500-dən çox adam ölmüşdü. Ən təhlükəli şəhərlər siyahısının 4-cü pilləsində Yaponiyanın Osaka-Kobe şəhəri qərarlaşıb. Burada 1995-ci ildə baş verən zəlzələ 6500-ə yaxın insanın həyatına son qoymuşdu. 5-ci ən təhlükəli şəhər İndoneziyanın paytaxtı Cakartadır. Burada daşqınlarla yanaşı, hətta 6 bal gücündə zəlzələ də xeyli insan ölümünə səbəb olur. 6-cı pillədə Yaponiyanın Naqoya şəhəri yer alır. Burada sunami təhlükəsi yüksəkdir. 7-ci ən təhlükəli şəhər Hindistanın Kəlküttə şəhəridir. Burada da sunami riski böyükdür. Çinin Şanxay şəhəri isə daşqın təhlükəsinin böyük olduğu şəhərlərdən biri olaraq, siyahının 8-ci pilləsində qərarlaşıb. Amerika Birləşmiş Ştatlarının Los-Anceles şəhəri ən böyük seysmik zonalardan biri hesab edilməklə, ən təhlükəli 10 şəhərdən 9-cusu hesab edilir. Siyahını seysmik zonada yerləşməklə təhlükəli olan İranın paytaxtı Tehran tamamlayır.ANN.Az