Zelenski müharibədə ölən uşaqların sayını açıqlayıb

 

Məlumata görə, daha minə yaxın ukraynalı uşağı şikəst qalıb.

 

"Rusiyanın təcavüzü və terroru 15 aydır ki, təkcə binaları dağıtmır, əsas insan haqlarını, uşaqlarımızı, ətraf mühit, təhsil, səhiyyə, istirahət və asudə vaxt hüququnu məhv edib. Rusiya ən azı 483 ukraynalı uşağın həyatını əlindən alıb. Bunlar bizim dəqiq bildiyimiz talelərdir. Rusiya daha minə yaxın uşağı şikəst edib” - Zelenski vurğulayıb.

Apreldə BMT Rusiyanın başlatdığı müharibə nəticəsində Ukraynada 500-dən çox uşağın öldüyü barədə məlumatı təsdiqləyib.

 

Ukraynadakı müharibə səbəbindən 5 milyondan çox uşaq təhsilini yarımçıq qoymaq məcburiyyətində qalıb. Valideynlər mümkün təhlükəni nəzərə alaraq, övladlarını məktəbə göndərməkdən çəkinir. 
 
Ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.