Böyük Britaniya Belarusa qarşı sanksiya tətbiq edib
08.06.2023 17:41
Böyük Britaniya hökuməti Rusiyanın sanksiyalardan yayınmasının qarşısını almaq üçün Lukaşenko rejimini
maliyyələşdirən Belarusdan ixraca və internet üzərindən təbliğata qarşı yönəldilmiş yeni sanksiyaların tətbiqini nəzərdə tutan qanun qəbul edib. Bu barədə Böyük Britaniya hökumətinin rəsmi saytı məlumat yayıb.
Sanksiyalar
hökumətə Belarusun bəzi media qurumlarının
Böyük Britaniyada internet vasitəsilə təbliğat aparmasının qarşısını alacaq. Çünki Lukaşenko rejimi Rusiyanın
Ukraynaya təcavüzünü fəal şəkildə asanlaşdırmaqda və yalan xəbərlər yaymaqda davam edir.
Belarus rejimi Rusiya qüvvələrinə əhəmiyyətli
dərəcədə təlim və maddi-texniki dəstək verməklə
yanaşı, Ukraynaya qarşı raket və pilotsuz uçuş aparatlarından zərbələr endirmək
üçün öz ərazisi və hava məkanından Rusiyanın istifadəsinə icazə verib.
Böyük Britaniyanın xarici işlər naziri Ceyms Kleverli bildirib ki, Ukraynaya lazım
olduğu müddət ərzində dəstək davam edəcək və Böyük Britaniya
Putinin müharibəsini dəstəkləyənlərə qarşı əlavə tədbirlər görməkdən çəkinməyəcək.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
