Rusiya Lvovda mülki əhalini atəşə tutub – Ölü və yaralılar var

 

"Bu gün Lvov mülki infrastrukturu ən böyük hücumlardan birinə məruz qalıb. Ölənlər və yaralılar var. İndi dağıntılar altından 4 nəfərin cəsədi çıxarılıb. Xilasedicilər hələ də işləyir, yəqin ki, ölənlərin sayı artacaq. 50-dən çox yaşayış evi dağıdılıb”, - mer bildirib.

Daxili İşlər Nazirliyinin məlumatına görə, 7 nəfər hadisə yerində xilas edilib, 64 nəfər təxliyə edilib. 

Nazirlik əlavə edib ki, 14 avtomobil giriş-çıxış yollarından təxliyyə edilib.

Lvov vilayət hərbi adminstrasiyasının  rəhbəri Maksim Kozitski Rusiya hücumunun ən gənc qurbanının 21 yaşlı qız olduğunu vurğulayıb.

"Bu gecə Lvovda mənzildə raketlə öldürülən ən gənc qızın cəmi 21 yaşı, ölənlərin ən yaşlısının isə 95 yaşı var idi. Qadın İkinci Dünya Müharibəsindən sağ çıxdı, lakin bu müharibədən  sağ çıxa bilmədi",- Kozitski əlavə edib.

 
Gecə saatlarında Rusiya Ukrayna ərazisinə 10 "Kalibr” qanadlı raket atıb. Hərbi Hava Qüvvələrinin məlumatına görə, bu raketlər əvvəlcə Şimala, sonra isə qəfil istiqamətini dəyişərək qərbə uçub. Hava hücumundan müdafiə sistemləri atılan 7 raketi vura bilib.

Aytac Zeynalova