Danimarka Quranı yandıranlara həbs cəzası verilməsini istəyir
25.08.2023 21:18
Danimarka ölkədə Quranın yandırılmasını cinayət hesab edən qanun qəbul etmək istəyir. Bu barədə "Reuters" agentliyi məlumat yayıb.
Bildirilir ki, buna görə insanlar 2 il müddətinə azadlıqdan məhrum edilə bilər.
Nazirin sözlərinə görə, Quran, İncil və ya Tövratın yandırılması qanunsuz olacaq .
Bundan əvvəl, Moskva xarici işlər nazirinin sözçüsü Mariya Zaxarova Danimarkada Quranın yandırılması aksiyasını pisləyib.
Azərbaycan Xarici İşlər Nazirliyi də rəsmi tviter hesabında Quranın yandırılmasını pisləyən açıqlama yayıb.
İyulun 20-də İsveç polisi Quranın və İraq bayrağının yandırılması planlaşdırılan etiraz aksiyasına icazə verib.
İsveçdə Quran nüsxələrinin yandırılmasına qəzəblənən etirazçılar İraqın paytaxtı Bağdadda İsveç səfirliyini yandırıblar.
Daha sonra yüzlərlə iraqlı etiraz etmək üçün Bağdaddakı İsveç səfirliyi qarşısında toplaşıb. Bir neçə onlarla insan səfirliyin həyətinə girməyə cəhd edib, lakin polisin gəlişindən sonra onlar missiya ərazisini tərk ediblər. İraq Xarici İşlər Nazirliyi Quranı yandıran şəxsin 37 yaşlı Salvan Momik adlı iraqlı qaçqın olduğunu bildirib və İsveçdən onu ekstradisiya etməyə çağırıb.
Aytac Zeynalova
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
