İstanbulda iki aya su ehtiyatları tükənə bilər

 

Bildirilir ki, İstanbul 57 gün ərzində susuz qala bilər.  

 

Artıq sinoptiklər uzun sürən quraqlığa görə Türkiyənin əhəmiyyətli bir hissəsini fövqəladə vəziyyət zonasına daxil ediblər.

 

Bundan əlavə, sentyabrın əvvəlindən İstanbul səlahiyyətliləri ehtiyata qənaət etmək üçün şəxsi park və bağların suvarılması üçün sudan istifadəni dayandırmağa qərar verib. 

Maliyyə Nazirliyinin "2024-2027-ci illər üzrə Ortamüddətli Büdcə Çərçivəsi"dəki hesabatında bildirilir ki, Azərbaycanda 2050-ci ilə qədər su təchizatı 23 faiz azalacaq.

 

Hesabatda BMT-nin son proqnozlarına istinad edilərək vurğulanıb ki, həmçinin 2040-ci ilə qədər Azərbaycan quraqlıqla üzləşəcək ilk 20 ölkə arasında yer alacaq. 

"Optimist ssenari üzrə Azərbaycanın su ehtiyatlarının miqdarı (transsərhəd su ehtiyatları ilə birlikdə) 2040-cı ildə 5-10%, 2070-ci ildə isə 10-15% və pessimist ssenari üzrə cari dəyərlərlə müqayisədə 2040-cı ildə 10-15%, 2070-ci ildə isə 15-25% azalacaq", - nazirliyin hesabatında yazılıb. 

Notr Dam Qlobal Adaptasiya Təşəbbüsünün son qiymətləndirilməsində ölkədə adambaşına düşən məcmu su ehtiyatları nisbətən aşağı və su təchizatının 70-75%-i Azərbaycan hüdudlarından kənarda yaranan mənbələrdən qaynaqlandığı açıqlanıb. 

 

Gülnar