Eks prezident öz əsərlərini sərgiləyəcək

ABŞ-ın eks prezidenti - kiçik Corc Buş öz rəsm əsərlərinin sərgisini təşkil etmək qərarına gəlib. ANS PRESS-in məlumatına, ilk olaraq eks prezidentin Ağ Evdə çəkdiyi 20-dən çox portret nümayiş ediləcək. "Liderliyin incəsənəti: prezidentin şəxsi diplomatiyası" sərgisinin açılışı aprel ayının başlanğıcında olacaq.Bu işlərdən heç biri əvvəllər heç bir yerdə sərgilənmədiyi bildirilir. Bu əsərlərdə məhz kimlərin təsvir olunduğu barədə heç bir məlumat verilməsə də, artıq bəzi fərziyyələr var. Məsələn, Buş keçən il onunla eyni zamanda hakimiyyətdə olmuş 19 dünya liderlərinin portretini yaratmaq fikrində olduğunu bəyan etmişdi. Böyük ehtimalla amerikalı öz layihəsini başa çatdırıb. Ağ Evin başçısı 2009-cu ildə postundan getdikdən sonra rəsm sənətinə aludə olmuşdu. Keçmiş siyasətçinin sözlərinə görə, Böyük Britaniyanın əfsanəvi baş naziri Uiston Çörçelin 1948-ci ildə yazdığı "Rəssamlıq məşğuliyyət kimi" kitabını oxuduqdan sonra əlinə fırça götürmək qərarına gəlib.ANN.Az