Saakaşvili Putini həbsində suçlayıb

"Bütün dünya bilir ki, mən siyasi məhbusam. Mən əvvəldən axıra qədər qondarma ittihamlarla mühakimə olunmuşam və mühakimə olunacağam.

Mən ölkəmiz üçün xeyirdən başqa heç nə etməmişəm. Ona görə mühakimə olunuram ki, Gürcüstanı bütün dünyaya tanıtmışam, ölkəni cinayət, yoxsulluq bataqlığından çıxarmışam, onu maarifləndirmişəm, dövlət qurmuşam. Məni 2008-ci ildə qaçmadığıma, dövləti qoruduğuma görə qınayırlar. İndi mən hər gün əzab çəkirəm, çünki xalqımızı hədsiz dərəcədə sevirəm və onlara kömək etmək istəyirəm.

Putin məni təkcə Gürcüstanı təslim etmədiyimə görə deyil, həm də ən kritik dövrdə onun istədiyi Odessa bölgəsini onun caynağından qopardığım üçün həbs etdi. Gürcüstan və Ukraynada uğur hekayələri yaratdığım üçün həbs olundum. Mən əsas regional liderlərdən biri və azad dünyanın lideri Zelenskinin müttəfiqi olduğum üçün həbs olundum.

Gürcü xalqı özünü azad etməlidir, məni də azad etməlidir. Məni indi azad etməliyəm ki, daha effektiv kömək edim, amma hansı əsirlikdə olmağımdan asılı olmayaraq, Gürcüstan və Ukraynanın tam qələbəsinə qədər sona qədər mübarizə aparacam”, - Saakaşvili sosial şəbəkədə yazıb.

Keçən ilin dekabrında keçmiş baş nazir Giorgi Qaxariyanın "Gürcüstan naminə” partiyası Mixail Saakaşvilinin həbsə qaytarılmasını tələb edib. Partiya üzvü Mixail Dauşvili keçmiş dövlət başçısının Vivamedi klinikasına səfərini "Gürcü arzusu”nun ifası adlandırıb və hakim partiyanı "seçkiqabağı PR məqsədlərinə çatmaq üçün” məhkəmədən istifadə etməkdə ittiham edib.