Pakistan İranla görüş keçirəcək

Pakistanın hərbi rəhbərləri və hökumət üzvləri İranla gərginliyin artması ilə əlaqədar Milli Təhlükəsizlik Komitəsinin iclasını keçirəcəklər. Bu barədə Pakistanın Dawn xəbər portalı məlumat yayıb.

İclasa Pakistan hökumətinin başçısı Ənvər ul-Haq Kakar sədrlik edəcək. Portal qeyd edir ki, iclasda xüsusilə ölkənin silahlı qüvvələrinin Baş Qərargah rəisi, eləcə də kəşfiyyat xidmətlərinin rəhbərləri iştirak edəcək.


Nəşrin məlumatına görə, İranla gərginliyin artması səbəbindən Pakistan hökumətinin başçısı İsveçrədə Davos Forumunda çıxışını qısaldıb.


Yanvarın 19-da BMT-nin baş katibi Antonio Quterreş Pakistan və İran arasında son hücumlar mübadiləsindən narahatlığını bildirib və tərəfləri təmkinli olmağa və daha da gərginləşmədən qaçmağa çağırıb.


Bu arada Kreml Rusiyanın diplomatik kanallar vasitəsilə İran və Pakistanla daimi təmasda olduğunu bildirib .

Gülnar 

www.anews.az