İranın müvəqqəti işlər vəkili Ukrayna XİN-ə çağırılıb

İranın Ukraynadakı müvəqqəti işlər vəkili Şəhriyar Amuzeqarı XİN-ə çağırılıb.Bu barədə Ukrayna Xarici İşlər Nazirliyi məlumat yayıb.

Belə ki, XİN Şəhriyar Amuzeqara Ukrayna tərəfinin İran tərəfindən Rusiyaya mümkün ballistik raketlərin tədarükü ilə bağlı xəbərlərə görə dərin narahatlığını bildirib.

Qeyd olunub ki, bu faktı öz təsdiqini taparsa, bunun Ukrayna-İran ikitərəfli münasibətləri üçün dağıdıcı və bərpa olunmaz nəticələri olacaq.