Gürcüstan AŞPA-dakı nümayəndə heyətini geri çağırıb

Gürcüstan parlamentinin sədri Şalva Papuaşvili ölkənin AŞPA-dan nümayəndə heyətini geri çağırdığını bəyan edib.

"Biz belə şəraitdə Assambleya çərçivəsində işləyə bilmərik. Bir-birimizin suverenliyinə hörmət etməsək, seçkilərdə ifadə olunan xalqın iradəsinə hörmət etməsək, Parlament Assambleyasının demokratiyaya və xalqın iradəsinə hörmətə əsaslanan fundamental dəyərlərinə qayıtması vacibdir. Belə olan halda beynəlxalq əməkdaşlığın prinsiplərindən danışmaq çətindir”, - Şalva Papuaşvili bildirib.

 

Bundan əvvəl Gürcüstan parlamentinin nümayəndə heyəti AŞPA-da fəaliyyətini dayandırdığını bəyan edib.

 

Bir müddət öncə AŞPA-da Gürcüstan hakimiyyətini yeni parlament seçkiləri keçirməyə çağıran qətnamə qəbul edilmişdi.

 

Gülnar