ABŞ daha bir neçə ölkədən gələn məhsullara gömrük rüsumu tətbiq edəcək

ABŞ Prezidenti Donald Tramp gələn həftə bir sıra ölkələrdən gələn mallara gömrük rüsumları tətbiq edəcəyini bildirib.Bu barədə "Reuters" agentliyi məlumat yayıb.

Tramp Ağ Evdə Yaponiyanın Baş naziri Şiqeru İşiba ilə görüşdən öncə jurnalistlərə tariflər tətbiq etmək niyyətini açıqlayıb.Ancaq rüsumların hansı ölkələrə və hansı mallara tətbiq ediləcəyini açıqlamayıb. Ehtimal olunur ki, söhbət avtomobil tədarükünə gömrük rüsumlarının tətbiq edilməsinin mümkünlüyündən gedir.