Apple Meksika körfəzinin adını dəyişib

Google-dan sonra Amerikanın Apple korporasiyası ABŞ -dakı istifadəçilər üçün hazırladığı xəritələrdə Meksika körfəzinin adını Amerika körfəzi adlandırıb . Bu barədə Bloomberg məlumat yayıb.

Söhbət əksər Apple cihazlarında, o cümlədən iPhone, iPad və Mac-da quraşdırılan Xəritələr tətbiqindən gedir. Məqalədə deyilir ki, korporasiya buxtanın adını hələlik yalnız amerikalı istifadəçilər üçün dəyişib, lakin bunu tezliklə bütün dünya üzrə istifadəçilər üçün etməyi planlaşdırır.

Fevralın 11-də ABŞ-dakı istifadəçilər Meksika körfəzinin adının yenilənməsini görə biliblər.

Eyni zamanda, Meksika hökuməti Google-a göndərdiyi məktubda ABŞ prezidenti Donald Trampın Meksika körfəzinin adının Amerika Körfəzi olaraq dəyişdirilməsi ilə bağlı fərmanının ABŞ-ın ərazi suları daxilində və ya sahildən 12 mil məsafədə qüvvədə olduğunu bildirib.

Yanvarın 21-də ABŞ prezidenti Donald Tramp Meksika körfəzinin rəsmi olaraq Amerika körfəzi, Şimali Amerikanın ən hündür dağı Denali isə MakKinli dağı adlandırılması prosesinin başlanmasına dair sərəncam imzalayıb.

Aytac