“FlyOne Armenia” Moldovada qadağan edilib

Ermənistanın “FlyOne Armenia” aviaşirkəti Moldovada fəaliyyəti qadağan edilmiş daşıyıcıların siyahısına daxil edilib.Bu barədə xarici media xəbər verib.

İnfrastruktur və Regional İnkişaf Nazirliyinin müvafiq əmri bu gün qüvvəyə minib.

Qadağa Avropa Komissiyasının reqlamentinin qəbul olunması nəticəsində tətbiq edilib. Reqlament çərçivəsində təhlükəsizlik tələblərinə cavab vermədiyinə görə fəaliyyəti məhdudlaşdırılan 130-dan çox aviaşirkətin siyahısı tərtib edilib.

Moldovadakı layihənin məqsədi milli qanunvericiliyi Avropa İttifaqının normalarına uyğunlaşdırmaqdır.

Həftədə dörd dəfə İrəvan-Kişineu marşrutu üzrə müntəzəm reyslər həyata keçirən “FlyOne Armenia” artıq bu istiqamətdə uçuşları davam etdirə bilməyəcək.