Netanyahunun keçmiş sözçüsü və böyük müşaviri həbs olunub

İsrailin Baş naziri Benyamin Netanyahunun keçmiş sözçüsü Eliezer Feldşteyn və böyük müşaviri Conatan Urix “Katargate” istintaqı ilə əlaqədar həbs edilib.Bu barədə xarici KİV xəbər verir.

Həbs qərarı israilli iş adamı Gil Bilgerin Qətərdə işləyən ABŞ vətəndaşından pulu Netanyahunun sözçüsü Feldşteynə ötürməsinin üzə çıxmasından sonra verilib.

"Katargate" istintaqı çərçivəsində həbs edilənlər "xarici agentlə əlaqə" və "çirkli pulların yuyulması" maddələri ilə ittiham olunurlar.

Netanyahu özü də baş verənlərlə əlaqədar prokurorluğa ifadə verməyə çağırılıb.