İran müharibə hazırlığına başlayıb - KİV

İran ABŞ-lə müharibə hazırlığına başlayıb.Bu barədə “Mehr” agentliyi ölkə hökumətinə istinadən məlumat yayıb.

Bildirilir ki, Tehran hava məkanını bağlayır, eyni zamanda bütün ordusunu ən yüksək hazırlıq səviyyəsinə keçirir.

Agentlik qeyd edib ki, İran qüvvələri hadisələrin istənilən inkişafına hazırdır.

Martın 30-da ABŞ Prezidenti Donald Tramp Tehranın nüvə proqramı ilə bağlı Vaşinqtonla razılığa gəlmədiyi təqdirdə İranı bombalamaqla hədələyib.

Tramp qeyd edib ki, əgər İran Vaşinqtonla yeni nüvə sazişi bağlamasa, ABŞ onu bombalayacaq. O, martın əvvəlində İran rəhbərliyinə göndərdiyi məktubda danışıqlar üçün şərtlərini irəli sürüb və Tehranı qərar vermək üçün iki aylıq müddət çərçivəsinə salıb.

İranın ali rəhbəri Ayətullah Əli Xamenei öz növbəsində bildirib ki, əgər ABŞ Prezidenti Donald Tramp Tehranı bombalamaq təhdidini həyata keçirsə, Vaşinqton güclü zərbə alacaq.