Qaluzin: Ermənistan eyni vaxtda Aİ və Aİİ-də ola bilməyəcək

Ermənistan eyni vaxtda Aİ və Aİİ-də ola bilməyəcək . Bu barədə RİA Novosti-yə Rusiya xarici işlər nazirinin müavini Mixail Qaluzin məlumat verib.

“Biz əminik ki, Aİİ və Avropa İttifaqı kimi eyni anda iki əks assosiasiyada olmaq mümkün deyil”, - Qaluzin bildirib.

Diplomatın sözlərinə görə, Aİİ bərabərhüquqlu dövlətlərin birliyidir, Avropa İttifaqında isə nizam-intizam və anti-Rusiya nağılları üstünlük təşkil edir.

Qaluzin aydınlaşdırıb ki, Ermənistan müstəqil şəkildə öz inkişaf yolunu seçən suveren dövlətdir. Bununla belə, diplomat Aİİ üzvlüyünün faydalarının Ermənistan cəmiyyətinə izah ediləcəyinə ümid etdiyini bildirib.

Bundan əvvəl Ermənistan parlamenti ölkənin Avropa İttifaqına daxil olmaq niyyəti ilə bağlı qanun layihəsini yekun oxunuşda qəbul edib. Parlamentin spikeri Alen Simonyanın sözlərinə görə , qanun layihəsinin qəbulunun lehinə 64 deputat, əleyhinə isə 7 deputat səs verib.

Aytac