Paşinyan və Qrono Bakı ilə İrəvan arasında sülh prosesini müzakirə ediblər

Ermənistanın baş naziri Nikol Paşinyan Avropa İttifaqının Cənubi Qafqaz və Gürcüstandakı böhran üzrə xüsusi nümayəndəsi Magdalena Qrono ilə görüşüb. Bu barədə  erməni KİV-ləri məlumat yayıb. 

Tərəflər Cənubi Qafqazda mövcud vəziyyəti müzakirə edib. Xüsusilə Ermənistan və Azərbaycan arasında sülh müqaviləsinin bağlanması prosesinə diqqət yetiriblər. Hər iki tərəf Bakı və İrəvan arasında sülh sazişi layihəsinin mətninin razılaşdırılmasının vacibliyini vurğulayıb.

Magdalena Qrono sazişin imzalanmasının zəruriliyinə diqqət çəkərək, bunun regionda uzunmüddətli sülh və sabitliyə töhfə verəcəyinə əminl olduğunu deyib. 

Tərəflər, həmçinin, Ermənistan ilə Aİ arasında münasibətlərin inkişafı, eləcə də Avropa İttifaqının Ermənistanda demokratik islahatlara dəstəyi və onların uğurlu həyata keçirilməsi məsələlərini müzakirə ediblər.

N.Təbrizli