300 nəfər dönərdən zəhərlənib - İkisinin vəziyyəti ağırdır

Türkiyədə 300 -ə yaxın adam dönərdən zəhərlənib, iki nəfərin vəziyyəti kritik olaraq qiymətləndirilir. Bu barədə “Haber Türk” məlumat yayıb.

Hadisə Kocaelinin Kerfez rayonunda baş verib. İnsanlar Atatürk küçəsindəki mağazadan alınan dönəri yedikdən sonra ürəkbulanma və qusma şikayətləri ilə xəstəxanaya müraciət etməyə başlayıblar.

Nəticədə yüzlərlə insan tibbi yardıma ehtiyac duyur. Lakin onlardan ikisinin vəziyyəti ağır olaraq qalır.

İnsanların zəhərləndiyi iddia edilən satış məntəqəsi möhürlənərək müvəqqəti bağlanıb. Rayon Kənd Təsərrüfatı və Meşə Təsərrüfatı İdarəsinin əməkdaşları müəssisəyə baxış keçirib, məhsullardan nümunələr götürüblər. Hadisənin təfərrüatları və şəraiti müəyyənləşdirilir.

Aytac