İran ABŞ-ın təhdidlərinə cavab verib

İrana qarşı istənilən xarici təcavüz sərt cavabla nəticələnəcək. Bunu İranın Xarici İşlər Nazirliyinin rəsmi nümayəndəsi İsmail Baqai bildirib.

“İranı təhdid edənlər bilməlidirlər ki, bu təhdidlər reallaşarsa, dərhal hərtərəfli cavab alacaqlar", - o bildirib. 

Aprelin 2-də Britaniyanın “Daily Express” qəzeti ABŞ prezidenti Donald Tramp administrasiyasındakı mənbələrə istinadən yazıb ki , Tehran nüvə proqramı üzrə razılaşmaya razılıq verməsə və nüvə silahı üzərində işi dayandırmasa, İran “sentyabr ayına qədər yox olacaq”. 

Britaniyanın “Daily Mail” qəzeti öz növbəsində ABŞ və İsrailin bu ölkənin nüvə proqramının davam edən inkişafının yaratdığı təhlükəni aradan qaldırmaq üçün “İrana zərbə vura” biləcəyini yazıb. 

Gülnar