Ağ ev: ABŞ artıq 130 ölkə ilə gömrük rüsumları üzrə danışıqlar aparır

Bu gün 130 ölkə ABŞ ilə əlaqə saxlayıb və gömrük rüsumları ilə bağlı danışıqlar aparmaq istədiyini bildirib.Bu barədə Ağ evin Milli İqtisadi Şurasının başçısı Kevin Hasset CNN-ə müsahibəsində bildirib.

“Hazırda 130 ölkə bizimlə əlaqə saxlayıb və biz onlarla danışıqlar aparırıq”, – o söyləyib və əlavə edib ki, ABŞ adıçəkilən ölkələr üçün idxal rüsumlarının məbləğini 10 %-ə endirib.

Bundan başqa, milli iqtisadi şuranın başçısı qeyd edib ki, Çinlə ticarət mübahisələrinin tənzimlənməsi prosesi getsə də, bu, “başlanğıc mərhələsindədir”.