ABŞ İranın nüvə obyektlərinə zərbə endirə bilər

Vaşinqton lazım gələrsə, İrana qarşı sərt davranmağa hazırdır və digər məsələlərlə yanaşı, Tehranın nüvə obyektlərinin məhv edilməsini də nəzərdən keçirir.Bunu ABŞ Prezidenti Donald Tramp Ağ Evdə Salvador Prezidenti Nayib Bukele ilə görüşü zamanı jurnalistlərə deyib.

“Bu, çox sadədir. Onların (İran - red.) nüvə silahı ola bilməz və onlar (ABŞ ilə danışıqlarda - red.) tez hərəkət etməlidirlər.Və əgər sərt bir addım atmağa məcbur olsaq, bunu edəcəyik", - deyə Tramp bildirib.

Ondan bu tədbirlərə İranın nüvə obyektlərinə zərbələrin daxil olub-olmaması soruşulub. "Əlbəttə", - deyə ABŞ prezidenti cavab verib.