Rusiya Bəşər Əsədi ekstradisiya etməkdən imtina edib

Suriyanın yeni hökuməti Rusiya rəhbərliyindən devrilmiş prezident Bəşər Əsədin ekstradisiyasını xahiş etsə də, Kreml bundan imtina edib.Bunu “The New York Times” qəzetinə müsahibəsində Suriyanın müvəqqəti prezidenti Əhməd əş-Şaraa deyib.

Şaraa vurğulayıb ki, Suriya administrasiyası Rusiya ilə münasibətləri kəsmək niyyətində deyil.Suriya silahlarının əksəriyyəti Rusiyada istehsal olunub və ölkə böyük ölçüdə Rusiyanın ərzaq və enerji təchizatından asılıdır.

“Bizim Suriyanın bu əsas maraqlarını nəzərə almaq öhdəliyimiz var”, - deyə o əlavə edib.