ABŞ və Çin ticarət danışıqlarını yekunlaşdırıb

ABŞ və Çin yüksək səviyyəli ticarət danışıqlarını müsbət nəticələrlə yekunlaşdırıb. Bu barədə Çin mətbuatı yazıb. 

İsveçrədə iki günlük danışıqların sonunda tərəflər təfərrüatları açıqlamayıblar.

Çin Baş nazirinin müavini He Lifeng bildirib ki, bu gün birgə bəyanat veriləcək.

Ticarət nazirinin müavini Li Chenggang əlavə edib ki, dünya üçün yaxşı xəbərlər olacaq.

Mayın 9-da ABŞ prezidenti Donald Tramp bildirib ki , ABŞ və Çin ölkələr arasında “ədalətli” ticarət sazişi əldə edə bilərlər.

Mayın 8-də New York Post mənbələrinə istinadən xəbər verir ki, Vaşinqton Çindən idxala gömrük rüsumlarının 50%-ə qədər azaldılmasını elan etməyi düşünür. Eyni zamanda, Ağ Evin mətbuat katibi Caroline Levitt Çin mallarına tariflərin birtərəfli qaydada azaldılması planları ilə bağlı məlumatları təkzib edib.

Gülnar