G7 Rusiyaya xəbərdarlıq edib

“Böyük yeddilik” (G7) ölkələrinin maliyyə nazirləri Kanadada keçirilən görüşün yekun kommunikesində bildirdilər ki, Rusiya Ukraynada atəşkəslə bağlı səyləri rədd edərsə, sanksiyalar daha da sərtləşdiriləcək.

“Əgər atəşkəs razılaşdırılmasa, təzyiqi maksimuma çatdırmaq üçün, o cümlədən sanksiyaların daha da gücləndirilməsi kimi bütün mümkün variantları araşdırmağa davam edəcəyik.” 

Nazirlər Rusiyanın “Ukraynaya qarşı davam edən amansız müharibəsini” pisləyib və münaqişə dövründə Moskvanı dəstəkləyən istənilən ölkə və ya şirkətin Ukraynanın bərpası üzrə müqavilələrə buraxılmayacağını bəyan ediblər. 

“Biz Ukrayna ilə birlikdə işləyərək Rusiya hərbi maşınını maliyyələşdirən və ya təchiz edən heç bir ölkə və ya qurumun Ukraynanın bərpasından mənfəət götürməsinə imkan verilməyəcəyinə zəmanət verəcəyik,” — kommunikedə vurğulanır. 

N.Təbrizli