ABŞ-da Putinə inam azalır

 Rusiya tərəfindən Kiyevə endirilən son raket-pUA hücumlarında azı 18 nəfər həlak olub, onlardan biri 60 yaşlı Azərbaycan vətəndaşı Ramiz Zəkiyevdir.

Azərbaycan Xarici İşlər Nazirliyi Kiyevdəki səfirliyin binasında şüşələrin sınması və konsulluq şöbəsinin damında çatlar əmələ gəlməsini təsdiqləyib. Diplomatlar arasında xəsarət alan olmayıb.

ABŞ-da yayımlanan Quinnipiac Universitetinin sorğusu göstərib ki, seçicilərin 76 faizi Rusiya prezidenti Vladimir Putinin atəşkəs və sülh razılaşmasına əməl edəcəyinə inanmır.

Demokratların 91 faizi, müstəqillərin 77 faizi və respublikaçıların 62 faizi eyni mövqedədir.

Sorğuya görə, amerikalıların 59 faizi Donald Trampın Moskva ilə sülh sazişi əldə edə biləcəyinə şübhə ilə yanaşır. Trampın dəstəyi hazırda 37 faiz, siyasətindən narazıların payı isə 55 faizdir.

N.Təbrizli