Danimarka 15 yaşdan kiçik uşaqlara sosial mediadan istifadəni qadağan edir

Danimarka hökuməti 15 yaşdan aşağı uşaqların sosial mediadan istifadəsini qadağan etdiyini elan edib. Baş nazir Mette Frederiksen bu addımı uşaqların psixoloji sağlamlığını qorumaq məqsədi ilə əsaslandırıb.

Frederiksenin sözlərinə görə, sosial şəbəkələr və mobil telefonlar “uşaqların uşaqlığını oğurlayır”.

Hökumətin təqdim etdiyi statistikaya əsasən, ölkədə 13 yaşına çatmamış yeddinci sinif şagirdlərinin 94%-nin artıq sosial media hesabı var. 11-19 yaşlı oğlanların təxminən 60%-i isə boş vaxtlarında dostları ilə görüşmür.

Bu qərar Danimarkanın artıq 2025-ci ilin fevralından tətbiq etdiyi məktəblərdə mobil telefon yasağı ilə paralel şəkildə həyata keçirilir.

Rəqəmsal məhdudiyyətlər qlobal səviyyədə geniş müzakirə olunur.

Yunanıstan, 2025-ci ilin iyun ayında Avropa İttifaqına sosial şəbəkələrdə valideyn razılığı olmadan qeydiyyat yaşının ("rəqəmsal yetkinlik") müəyyən olunması təklifini irəli sürüb. ABŞ, Fransa və Avstraliya kimi ölkələrdə də oxşar təşəbbüslər gündəmdədir.

Gülnar