BBC Trampdan üzr istəyə bilər

Böyük Britaniyanın BBC teleşirkəti ABŞ Prezidenti Donald Trampdan onun çıxışının montaj zamanı təhrif edilməsinə görə üzr istəməyə hazırlaşır. Bu barədə The Telegraph qəzeti mənbələrə istinadla xəbər yayıb.

Məlumata görə, BBC-nin hüquqşünasları ABŞ prezidentinə ünvanlanacaq rəsmi məktubun mətnini hazırlayır.

Hadisə, “Panorama” proqramında Trampın nitqinin elə şəkildə montaj olunması ilə bağlı yaranıb ki, bu, onun Konqresin ələ keçirilməsinə çağırış etdiyi təəssüratını yaradıb.

Daha əvvəl BBC-nin baş direktoru Tim Deyvi və News bölməsinin rəhbəri Debora Törness qalmaqal fonunda istefa veriblər.

Ağ Evin mətbuat katibi Karolin Livitt bildirib ki, Tramp BBC-ni “sol yönümlü təbliğat maşını” adlandırıb və korporasiyaya qarşı iddia qaldırıldığını qeyd edib.