Paşinyan Konstitusiya referendumunun tarixini açıqlayıb

Ermənistan Baş naziri Nikol Paşinyan ölkədə yeni Konstitusiyanın qəbulu üzrə referendumun 2026-cı ildə keçiriləcək parlament seçkilərindən sonra təşkil ediləcəyini açıqlayıb.

Paşinyan bu açıqlamanı K.Demirçyan adına İdman-Konsert Kompleksində dövlət qulluqçuları ilə görüşdə verib. 

Onun sözlərinə görə, seçkilərdən sonrakı proses siyasi qüvvələrə Konstitusiya ilə bağlı mövqelərini cəmiyyətə təqdim etmək imkanı verəcək və sonda çoxluq qazanan siyasi qüvvənin mövqeyi yeni Konstitusiya layihəsinin formalaşmasında həlledici rol oynayacaq.