Tramp və Zelenski razılaşdırılmamış iki əsas məsələni müzakirə edəcəklər

 Cenevrədə keçirilən ABŞ–Ukrayna danışıqlarında sülh planının əksər müddəaları razılaşdırılıb, bir neçə ay mübahisə doğuran kritik maddələr üzrə də irəliləyiş əldə edilib. Bu barədə RBC-Ukrayna hökumət və diplomatik mənbələrə istinadən xəbər verib.

Sənədin baza prinsipləri razılaşdırılıb, mübahisəli müddəaların bir hissəsi isə qismən dəyişdirilərək uzlaşdırılıb.

İrəliləyiş əldə edilən sahələrə Ukrayna Silahlı Qüvvələrinin gələcək strukturu, Zaporojye AES-in statusu, həmçinin məhbus mübadiləsi və məhkumların geri qaytarılması mexanizmləri daxildir.

Bununla belə, ərazilərlə bağlı bəndlər və Ukraynanın NATO-ya üzvlüyü üzrə təminatlar hələ də razılaşdırılmayıb və hər iki ölkə liderinin — Donald Tramp və Vladimir Zelenskinin – yekun qərarına ehtiyac duyur.

Mənbələrin bildirdiyinə görə, danışıqların ən çətin məsələlərindən biri kimi Ukrayna qoşunlarının Donetsk vilayətindən çıxarılması tələbi qalmaqdadır.

Hesabatda qeyd edilir ki, Zelenski və Tramp arasında bu həftə və ya gələn həftə baş tuta biləcək görüşün gündəliyini məhz bu mübahisəli bəndlərin həlli təşkil edəcək.

Aytac