İran hava məkanını qismən açıb

İran bu gün hava məkanını qismən açaraq ölkənin şərq hissəsindən keçən beynəlxalq tranzit uçuşlara icazə verib.Bu barədə İranın Mülki Aviasiya Təşkilatı məlumat yayıb.

Bildirilib ki, ölkənin şərq hissəsində yerləşən hava marşrutları İran üzərindən tranzit həyata keçirən beynəlxalq reyslər üçün açıqdır.

Qurumun məlumatına görə, bəzi hava limanları da səhər saatlarından fəaliyyətini bərpa edib.

Bununla belə, uçuş izləmə platformalarının məlumatları beynəlxalq reyslərin İran hava məkanından hələ tam istifadə etmədiyini göstərir. Bir sıra təyyarələr ölkə üzərindən uçuşdan yayınaraq daha uzun alternativ marşrutlarla hərəkət edir.