İsrail ordusu Livanın cənubunda "Hizbullah"ın 25 hədəfini məhv edib

İsrail Müdafiə Qüvvələri (SAXAL) tərəfindən son bir sutka ərzində Cənubi Livan ərazisində "Hizbullah" qruplaşmasına aid 25 hərbi obyektə zərbələr endirilib.Bu barədə SAXAL-ın mətbuat xidməti məlumat yayıb.

Məhv edilən obyektlər siyahısında silah anbarlarının, idarəetmə mərkəzlərinin və qruplaşmaya məxsus digər infrastrukturun olduğu bildirilir.

Qurumun mətbuat xidməti əlavə edib ki, İsrail ordusu Livanın cənub hissəsində yerləşən Kristofani silsiləsindəki silahlılara zərbələr endirib. Eyni zamanda, raket buraxılış qurğuları da hədəfə alınaraq sıradan çıxarılıb.