ABŞ İranın neft sektoruna qarşı sanksiyaları genişləndirib

ABŞ və İran arasında atəşkəsin qorunması və Hörmüz boğazı vasitəsilə gəmi daşımalarının təmin olunması ilə bağlı ilkin razılaşmalara baxmayaraq, Vaşinqton İran neftinin ixracında iştirak edən qurumlara qarşı yeni sanksiyalar tətbiq edib.Bu barədə ABŞ Maliyyə Nazirliyi məlumat yayıb.

Məlumata görə, İran nefti və neft məhsullarının daşınmasında iştirak edən səkkiz gəmi sanksiya siyahısına daxil edilib. Bunlar arasında Marşal adaları, Komor adaları və Panama bayraqları altında üzən "Flora", "Hauncayo" və "Ill Gap" tankerları yer alır.

Bundan əlavə, Honkonqda qeydiyyatdan keçmiş "Worth Seen Energy Limited" və Dubayda yerləşən "Symphony Shipping and Maritime Management Inc." daxil olmaqla 15-dən çox şirkətə qarşı məhdudiyyətlər tətbiq olunub.

ABŞ-ın maliyyə naziri Skott Bessent bildirib ki, Vaşinqton İranın neft gəlirlərini artırmasının qarşısını almaqda qərarlıdır. Onun sözlərinə görə, bu vəsaitlər İranın hərbi potensialının gücləndirilməsi üçün istifadə oluna bilər.