Daha bir ölkədə yeniyetmələrə sosial şəbəkələr qadağan ediləcək

Böyük Britaniyanın Baş naziri Kir Starmer 16 yaşdan aşağı şəxslərin sosial şəbəkələrdən istifadəsinə məhdudiyyətlərin tətbiqini nəzərdən keçirir. Bu barədə “Bloomberg” agentliyi hökumət rəsmilərinə istinadən məlumat yayıb. 

Məlumata görə, hökumətin valideynlərlə keçirdiyi məsləhətləşmələrdən sonra Starmerin bu məsələ ilə bağlı mövqeyi sərtləşib. Texnologiya məsələləri üzrə nazir Liz Kendall bildirib ki, sorğuda iştirak edənlərin təxminən 90%-i belə məhdudiyyətləri dəstəkləyib. 

Hökumət hazırda iki variantı müzakirə edir. Birinci variant 16 yaşdan aşağı uşaqların sosial şəbəkələrdən istifadəsinin tam qadağan edilməsini nəzərdə tutur. İkinci variant isə sosial şəbəkələrin və mobil tətbiqlərin müəyyən funksiyalarına çıxış üçün yaş məhdudiyyətlərinin tətbiqini ehtiva edir.