FTB Ağ Evdə keçirilən UFC turnirinə planlaşdırılan hücumun qarşısını alıb

ABŞ Federal Təhqiqat Bürosu (FTB) Ağ Evin ərazisində keçirilən UFC America 250 turnirinə qarşı planlaşdırılan hücumun qarşısını aldığını açıqlayıb. Hüquq-mühafizə orqanlarının keçirdiyi çoxştatlı əməliyyat nəticəsində hadisə ilə əlaqədar 5 nəfər saxlanılıb.

Məhkəmə sənədlərinə əsasən, şübhəlilər partlayıcı maddələrlə yüklənmiş dronlarla Ağ Ev yaxınlığında zərbələr endirməyi, daha sonra isə yaranacaq panikadan istifadə edərək qaçan insanlara snayperlərlə atəş açmağı planlaşdırıblar.

FTB direktoru Keş Patel bildirib ki, qurum iyunun 10-da potensial təhlükə barədə məlumat alıb və tərəfdaş qurumlarla birlikdə əməliyyat keçirərək planlaşdırılan hücumu vaxtında dayandırıb.

İstintaqın başlanmasına 19 yaşlı Taysen Propperin anasının polisə müraciəti səbəb olub. O, oğlunun silahlar əldə etməsi və şübhəli şəxslərlə internet üzərindən əlaqə saxlaması barədə hüquq-mühafizə orqanlarını məlumatlandırıb. Sonradan Propperin FTB-yə planlaşdırılan hücum barədə məlumat verdiyi bildirilir.

Tədbirdə ABŞ prezidenti Donald Trump də iştirak edib və yarış insidentsiz başa çatıb.

Aytac